Home Ibda Nnegozja Stokks Forex Indiċijiet Komoditajiet ETFs CFDs L-Istrumenti Kollha Għajnuna
AVVIŻ TA' DIVULGAZZJONI TA' RISKJU
Niżżel bħala PDF
Is-CFDs jistgħu jqiegħdu l-kapital tiegħek f'riskju jekk jintużaw b'mod spekulattiv. Is-CFDs huma kkatergorizzati bħala riskju għoli minn xi awtoritajiet regolatorji billi ma hemm ebda protezzjoni tal-kapital, ebda dħul iggaraniti u l-klijenti jistgħu jitilfu l-ammont investit. Bil-Pjattaforma tan-Negozjar ta' Plus500 mhuwiex possibbli li titlef aktar mill-ammont investit u l-klijenti ma jistgħux jitħallew fid-dejn ma' Plus500. In-negozjar fis-CFDs mhuwiex adattat għall-investituri kollha, żgura li tifhem bis-sħiħ ir-riskji kollha involuti.

 Dan l-Avviż ta' Divulgazzjoni ta' Riskju jagħmel parti mill-Ftehimiet tal-Klijenti kif definiti fil-Ftehim tal-Utent
1.1 Qed tikkunsidra n-negozjar permezz tal-pjattaforma tan-negozjar ta' Plus500 ("aħna", "tagħna", "lilna") f'Kuntratti għad-Differenza ('CFDs'). CFDs huma investimenti b'riskju għoli, li mhumiex adatti għal bosta investituri.

1.2 Dan l-avviż jagħtik l-informazzjoni dwar ir-riskji assoċjati mas-CFDs, iżda ma jistax jispjega r-riskji kollha u lanqas kif tali riskji huma relatati maċ-ċirkostanzi personali tiegħek. Jekk għandek dubju, għandek tistaqsi għal parir professjonali.

1.3 Huwa importanti li inti tifhem bis-sħiħ ir-riskji involuti qabel ma tiddeċiedi li tidħol f'relazzjoni ta' negozjar magħna. Jekk tagħżel li tidħol f'relazzjoni ta' negozjar magħna, huwa importanti li inti tibqa' konxju tar-riskji involuti, li għandek biżżejjed riżorsi finanzjarji biex jitrefgħu tali riskji u li inti timmonitorja l-pożizzjonijiet tiegħek b'attenzjoni.

2. TELF IMKABBAR

2.1 In-natura tas-swieq tan-negozjar tal-marġni tfisser li kemm il-qligħ kif ukoll it-telf jista' jitkabbar u, sakemm int tqiegħed Agħlaq mat-Telf jew Ordni b'Limitu, jista' jkun li ġġarrab telfiet kbar ħafna jekk il-pożizzjoni tiegħek tmur kontrik. Madankollu ma tistax titlef aktar mill-bilanċ fil-Kont tan-Negozjar tiegħek.

3. IS-CFDS MHUMIEX ADATTI GĦAL INVESTIMENT FIT-TUL

3.1 Is-CFDs mhumiex adattai għal investitur fit-tul. Jekk iżżomm CFD miftuħ matul perjodu twil ta' żmien l-ispejjeż assoċjati jiżdiedu, u għalhekk jista' jkun ta' aktar benefiċċju li minflok tixtri l-assi ta' bażi.

4. EBDA DRITTIJIET GĦALL-ISTRUMENT TA' BAŻI

4.1 is-CFDs ma jagħtu ebda dritt għall-istrumenti ta' bażi, jew fil-każ tas-CFDs b'referenza għal ishma, għal drittijiet tal-vot.

5. INVESTI BISS FLUS LI TISTA' TAFFORDJA LI TITLEF

5.1 Tinvestix f'CFDs bi flus li ma tistax taffordja li titlef. Investiment f'CFDs għandu grad għoli ta' riskju għall-investitur u, minħabba varjazzjonijiet fil-valur, l-investitur jista' ma jieħux lura l-ammont li jkun investa.

6. ADEGWATEZZA

6.1 Suġġett għall-obbligu tagħna li nevalwaw l-adegwatezza tal-Pjattaforma tan-Negozjar għaċ-ċirkostanzi tiegħek, kwalunkwe deċiżjoni dwar jekk tiftaħx kont jew le, u dwar jekk tifhimx ir-riskji jew le, hija tiegħek.

6.2 Aħna nistgħu wkoll nistaqsuk għal informazzjoni dwar l-assi finanzjarji u d-dħul tiegħek. Aħna ma nimmonitorjawx f'ismek jekk l-ammont ta' flus li bgħattilna jew il-qligħ u t-telf tiegħek humiex konsistenti ma' dik l-informazzjoni. Hija r-responsabbiltà tiegħek li tevalwa jekk ir-riżorsi finanzjarji tiegħek humiex adegwati u x'livell ta' riskju tieħu.

7. RISKJI POTENZJALI

7.1 Ma tistax titlef aktar mill-bilanċ fil-Kont tan-Negozjar tiegħek.

7.2 Qabel ma tiftaħ kont tas-CFD magħna aħna neħtieġuk li tiddepożita flus magħna bħala Marġni Inizjali, u sabiex Tranżazzjoni tibqa' miftuħa, għandek tiżgura li l-ammont fil-Kont tan-Negozjar tiegħek jaqbeż il-Marġni ta' Manteniment. Il-Marġni Inizjali jkun differenti bejn l-Istrumenti u l-ammonti jkunu indikati fil-Pjattaforma tan-Negozjar. Dan ifisser li int tkun qed tinnegozja permezz ta' 'ingranaġġ' u dan jista' jaħdem favurik jew kontrik; moviment żgħir fil-prezz favurik jista' jwassal għal dħul għoli fuq il-Marġni Inizjali mqiegħed għan-negozju, iżda moviment żgħir fil-prezz kontrik jista' jwassal għal telfiet sostanzjali.

7.3 Aħna neħtieġuk ukoll li tiżgura li l-ammont fil-Kont tan-Negozjar tiegħek jaqbeż il-Marġni ta' Manteniment sabiex Tranżazzjoni tinżamm miftuħa. Għaldaqstant, jekk il-prezz tagħna jimxi kontrik, jista' jkun li tkun meħtieġ tagħtina Marġni addizzjonali sostanzjali, fi żmien qasir, biex iżżomm in-negozji miftuħa tiegħek. Jekk ma tagħmilx dan, aħna nkunu intitolati li nagħlqu negozju wieħed jew aktar jew in-negozji kollha tiegħek. Inti tkun responsabbli għal kull telf li ġġarrab.

7.4 Għandek tkun konxju wkoll li skont il-Ftehim tal-Utent tagħna, aħna intitolati, għad-diskrezzjoni tagħna biss, biex nagħmlu Appell tal-Marġni. Skont il-Ftehim tal-Utent, int meħtieġ tissodisfa kwalunkwe Appelli tal-Marġni immedjatament, permezz ta' trasferiment elettroniku fiż-żmien preskritt minna. Jekk ma tagħmilx dan, aħna nkunu intitolati li nagħlqu negozju wieħed jew aktar, jew in-negozji kollha tiegħek.

7.5 Sakemm inti tkun ħadt passi biex tqiegħed limitu assolut fuq it-telfiet tiegħek (pereżempju, billi tqiegħed ordni ta' Agħlaq mat-telf jew Agħlaq mal-Qligħ fuq il-kont tiegħek) huwa possibbli li movimenti ħżiena tas-suq iwasslu għal telf tal-bilanċ sħiħ fil-Kont tan-Negozjar tiegħek. Aħna noffru firxa ta' għodod għall-ġestjoni tar-riskju biex ngħinuk timmaniġġja dan ir-riskju.

8. MHUX ADATT BĦALA DĦUL

8.1 Il-kunċett inerenti tas-CFDs ifisser li dawn mhumiex adatti biex investitur jipprova jagħmel dħul mill-investimenti tiegħu billi d-dħul minn tali investimenti jista' jvarja fil-valur f'termini ta' flus. Għal investiment fi prodott OTC, li mhuwiex investiment realizzabbli faċilment, jista' jkun diffiċli li l-investiment jinbiegħ jew li jkun realizzabbli u li tinkiseb informazzjoni affidabbli dwar il-valur tiegħu jew il-medda tar-riskji li huwa espost għalihom.

9. VARJAZZJONIJIET FIS-SUQ

9.1 Huwa importanti li tifhem ir-riskji assoċjati man-negozjar f'suq billi l-varjazzjonijiet fil-prezz tas-suq ta' bażi jkollhom effett fuq il-profitabilità tan-negozju. Pereżempju: il-valur tal-investimenti denominati f'valuti barranin jista' jonqod jew jiżdied minħabba bidliet fir-rati tal-kambju.

9.2 Is-CFDs għaldaqstant huma biss adatti għal dawk il-klijenti li jifhmu bis-sħiħ ir-riskju tas-swieq u li għandhom esperjenza preċedenti fin-negozjar. Jekk m'intix ċert, ikun jaqbel li tistaqsi għal parir indipendenti.

10. DERIVATTIVI

10.1 Pożizzjonijiet miftuħin magħna ma jiġux innegozjati fuq ebda borża. Il-prezzijiet u kundizzjonjiet oħra huma stabbiliti minna, suġġetti għal kwalunkwe obbligi li għandna biex noffru l-aħjar implimentazzjoni, biex naġixxu b'mod raġonevoli u skont il-fethim tal-utent tagħna u skont il-politika tagħna ta' implimentazzjoni ta' ordni. Kull negozju tas-CFD li tiftaħ permezz tal-Pjattaforma tan-Negozjar tagħna twassal biex inti tidħol f'kuntratt magħna; dawn il-kuntratti jistgħu biss jingħalqu minna u mhumiex trasferibbli għal kwalunkwe persuna oħra.

11. ĦTIEĠA LI L-POŻIZZJONIJIET IKUNU MMONITORJATI

11.1 Minħabba l-effett tal-ingranaġġ u għaldaqstant il-veloċità li biha jista' jinġarab qligħ jew telf, huwa importanti li inti timmonitorja l-pożizzjonijiet tiegħek b'attenzjoni. Hija r-responsabbiltà tiegħek li timmonitorja n-negozji tiegħek.

12. RISKJI OPERAZZJONALI

12.1 Riskji operazzjonali bi Plus500 fuq il-kompjuter tiegħek huma inerenti f'kull tranżazzjoni tas-CFD. Pereżempju, interruzzjonijiet fil-proċessi operazzjonali ta' Plus500 bħal komunikazzjonijiet, kompjuters, netwerks tal-kompjuter jew tal-mowbajl jew avvenimenti esterni jistgħu jwasslu għal dewmien fl-eżekuzzjoni u l-ħlas ta' tranżazzjoni. Plus500 ma taċċettax jew lanqas ma tieħu ebda responsabbiltà fir-rigward tal-proċessi operazzjonali ta' Plus500, għajr sakemm dan ma jkunx ikkawżat minn frodi jew diżonestà minn Plus500.

13. RISKJU TAL-VALUTA

Il-klijenti għandhom ikunu informati li s-CFDs iddenominati f'valuti għajr mill-valuta ta' pajjiżhom għandhom ir-riskju addizzjonali assoċjat mal-varjazzjonijiet tal-valuti.
Kont ta' Dimostrazzjoni
Kont mingħajr limitu BLA ĦLAS
>>Ikklikkja Hawn
Prattika
Sir af Sir af kif tinnegozja
>>Aqra Aktar
Ifhem
Is-sit bħalissa mhux disponibbli minn United States.
Sigur permezz ta' SSL